Ny forskarkafé: – Han er viktig for økosystemet

Denne gongen kjem Cecilie Kvamme frå Havforskingsinstituttet for å halda føredraget «Kystbrisling i Hardangerfjorden – biologi, overvaking, forvalting og fiske», seier Sara Nonås Langhelle Fagleiar natur ved Folgefonnsenteret i ei pressemelding.

Nøkkelart

Kvamme har i fleire år delteke på Havforskinga si brislingtokt i Hardangerfjorden og bidrege til overvaking av brisling, samt også gjeve kvoteråd til Fiskreidirektoratet.

Kvamme sjølv seier at brislingen i fjordane våre har blitt fiska på i fleire hundre år.

- Han er ein såkalla nøkkelart; han et ørsmå krepsdyr, og er sjølv er eit ettertrakta bytte for større fisk, nise og sjøfugl. På denne måten bidreg brislingen til å gjere energien frå dei store mengdene ørsmå krepsdyr tilgjengeleg for større dyr. Havforskingsinstituttet overvakar kvart år brislingen, både fordi han er viktig for økosystemet men og fordi han er ein ressurs som vi fiskar på, seier ho om føredraget.

Føredraget er ope for alle som vil koma og høyra på og ta del i diskusjonane. Det vert enkel servering i Verven Vaffel.