Ny brillestøtteordning for barn frå 1. august
Forslaget til utforminga av ordninga vart sendt på høyring i slutten av mai, og frå og med 1. august trer den nye ordninga i kraft.
Publisert
Sist oppdatert
I 2020 vart det innført ei ordning som omfatta barn som hadde behov for behandlingsbriller til forebygging eller behandling av amblyopi.
Den nye ordninga omfattar ei langt større gruppe, og regjeringa meiner at rundt 140.000 barn som vil nyta godt av ordninga som no trer i kraft. Desse kjem i tillegg til dei som allereie har fått dekka briller etter dei tidlegare støtteordningane.
Annonse
Satsane for barn med behov for dei sterkaste brilleglasa er no auka, og i tillegg vil lesebriller kunne dekkast.
– Denne brillestøtteordninga vil gi barn og familiar som treng det, hjelp til å få ein god brille, seier arbeids- og inkluderingsminister Marte Mjøs Persen i ei pressemelding.
NAV tek oppgjeret
Det er dette departementet som har fastsett forskrifta som innfører den nye støtteordninga.
Annonse
«Den gjeld fram til barnet fyller 18 år og kjem i tillegg til dei to andre ordningane som dekker briller til barn.» heiter det i pressemeldinga.
Nokre av hovudtrekka i ordninga er at det blir gjeve stønad til ein brille per kalenderår. Brilla må dessutan vera bestilt hos optikar, og det er NAV som tek oppgjeret direkte med optikaren.
