Ny barnehagestyrar i Uskedalen
Gry Måkestad Smidt er tilsett i stillinga som ny barnehagestyrar i Uskedal barnehage.
Publisert
Måkestad Smith kjem frå Odda, og er utdanna som barnehagepedagog frå desentralisert utdanning på Voss, underlagt Høgskulen i Bergen. Ho har vore tilsett i barnehagen i Uskedalen sidan 2012. Før det hadde ho jobb i Sørfjorden.
– Med lang teneste i Uskedalen kjenner ho barnehagen godt. Uskedal Barnehage har to avdelingar med 42 godkjende plassar. I personalgruppa finn vi fire pedagogar, fagarbeidar og assistent. Ny leiarstruktur gjer at rektor, Odd Steinar Arnesen, er einingsleiar og har det overordna ansvaret. Tidlegare barnehagestyrar i Uskedalen, Ann Irene Sæle, er ny styrar i Myrane barnehage på Husnes, melder uskedalen.no.
