NVE: Søknaden er mangelfull
Flaumen i Herøysundet første helga i juli førte til at stein og lausmassar flytta på seg, som her ved Berge i Bringedalsbygda. No ynskjer oppsitjarar å fjerna lausmassar frå elva oppstraums for Berge bru, men NVE etterlyser fleire opplysningar før dei kan koma med ein uttale.
Publisert
Sist oppdatert
I eit brev datert 15. juli ba Kvinnherad kommune NVE om å koma med ein uttale i samband med at fleire ønska fjerning av lausmasser i elva oppstrøms gamle Berge bru i Herøysund.
Gir uttale når saka er tilstrekkeleg opplyst
Annonse
No har NVE respondert på førespurnaden frå kommunen, men ei vurdering kan dei ikkje føreta då søknaden som ligg føre er mangelfull.
«I søknad kan vi ikkje sjå at flaumsikringstiltak er utgreidd med type tiltak, teknisk beskriving, geografisk plassering eller skisse. Masseuttak er omtalt med mengde masse, men ikkje meir utfyllande informasjon utover dette. Det ligg ikkje føre kart som viser utstrekning og/eller teknisk skildring av tiltaket i høve utføring og avslutting», skriv dei mellom anna i svaret.
Vidare peiar NVE på at det heller ikkje ligg føre opplysningar om korleis og når på året arbeidet skal utførast.
«Då søknad er mangelfull er det vanskeleg for NVE å kome med ei uttale i saka. NVE kan gi uttale når saka er tilstrekkeleg opplyst», sluttar dei.
