Nordmenn har aldri før kasta så mykje avfall – Kvinnherad ligg over snittet
Kvar kvinnhering kasta i snitt 465 kilo avfall i fjor, det er 16 kilo meir per innbyggjar enn landssnittet.
Nordmenn har aldri kasta så mykje avfall som dei gjorde i koronaåret 2020. Med 449 kilo per innbyggjar vart rekorden frå 2014 på 441 kilo slått med åtte kilo. Det viser fersk statistikk frå Statistisk sentralbyrå.
– Rundt 40 prosent av avfallet er restavfall. Deretter er dei største, usorterte massane treavfall, papp, matavfall og hageavfall, skriv SSB.
Artikkelen held fram under annonsen.
I Kvinnherad kasta kvar innbyggjar, rekna ut i frå hushaldningsavfall per årsinnbyggjar, som er ei berekning kor ein tek utgangspunkt i talet innbyggjarar og legg til talet hytteabonnentar, 465 kilo i 2020. Det er 16 kilo meir enn landssnittet, og om lag 41 kilo meir enn i 2019.
Hushaldningsavfall per årsinnbyggjar (kg) i Kvinnherad:
2015: 450,2 kg
2016: 428,7 kg
2017: 415,5 kg
2018: 430,6 kg
2019: 423,8 kg
2020: 465,0 kg