Nordmenn betalar mest for mobildata i Norden
Ein ny rapport om mobilprisane i Norden viser at nordmenn betaler vesentleg meir enn svenskar, danskar og finnar.
Publisert
Sist oppdatert
Norske mobilbrukarar har òg klart lågast forbruk av mobildata i Norden. Det viser ein anna rapport.
Kommunal- og distriktsminister Sigbjørn Gjelsvik (Sp) slår fast at regjeringa vil leggja til rette for gode og rimelege mobil- og breibandstenester i heile landet.
Annonse
– Velfungerande konkurranse og valfridom er ein føresetnad for dette. Rapportane vi har fått, visar at det er viktig å nå målet om tre fullverdige mobilnett i Norge, seier han i ei pressemelding.
På bakgrunn av det som er belyst i rapportane slår han fast at norske mobilkundar framleis betalar «mest for minst».
Også interne skilnadar i pris
Rapporten "Assessment of Norwegian mobile revenues in a Nordic context - 2022", konkluderer med at norske sluttbrukarar i snitt betalar to til fem gongar meir per gigabyte data samanlikna med svenske, danske og finske sluttbrukarar, etter at skilnadar i kjøpekraft er teke omsyn til.
Annonse
Den andre rapporten, "Assessment of Norwegian fixed broadband pricing in a Nordic context - 2022", viser at dei norske abonnementsprisane for fiberbreiband i dei fleste tilfella ligg høgare enn prisane i dei andre nordiske landa, også når prisane blir justert etter kjøpekraft. I denne blir prisane for fiberbreiband (over 100Mbit/s) mellom kommunar i Norge samanlikna.
«Den lågaste prisen er 449 kroner per månad, medan den høgaste er 819 kroner per månad.» heiter det i pressemeldinga.
I samband med dette kan det nemnast at Kvinnherad Breiband tar 699 kroner i månaden for sin fiber200 pakke, som er den rimelegaste pakken som tilbyr over 100Mbit/s.
