Nominert til «Årets gjestehamn»
Rosendal Gjestehamn er blant dei sju finalistane ein kan stemma på når Båtmagasinet skal kåra årets gjestehamn i Norge.
Publisert
Fram til 1. mai kan ein stemma frem vinnaren av utmerkinga «Årets gjestehamn 2023» på batmagasinet.no. Vinnaren vert offentleggjort 15. mai og blir tildelt diplom, flagg, heider og ære, melder Båtmagasinet
Magasinet skriv at kåringa av Årets Gjestehamn er basert på båtbrukarane si oppleving og preferansar.
Annonse
– Det er ikkje ei klassifisering av gjestehamner etter formelle krav, men hamner som blir foreslått vil likevel bli vurdert mot nokre grunnleggjande kriterium før ho blir nominert. I denne kåringa er det lesarane som foreslår og stemmer frem Årets Gjestehamn, skriv dei.
Før ei hamn blir nominert kvalitetssikrar Båtmagasinet at hamna møter nokre grunnleggjande krav. Havna må vera ei offentleg eller privat driven gjestehamn, og ikkje naturhamn, open for alle som ønskjer å vitja ho og mellom anna sanitæranlegg. Året etter at en hamn har vunne prisen, er ikkje hamna kvalifisert til å bli nominert.
Dei andre nominerte er Nesna Småbåthavn på Helgelandskysten, Klokkergården på Rødøy, Skartveit Gjestehavn i Ryfylke, Onarheim Gjestehavn på Tysnes, Rosenlund Hamn, Sandsøya og Arendal Gjestehavn. Husnes Gjestehamn var blant dei nominerte i 2022-tevlinga.
