Nominasjonsmøtet til Frp: Rein trekte seg - Lemicka valt

Dramaet vart utløyst tidleg etter at valet starta, ved at Ellinor Rein trekte kandidaturet sitt. Ho trekkjer seg også som lokallagsleiar i same slengen, og fortel til nominasjonsmøtet at ho føler seg utsett for harselering dei siste vekene, noko ho ikkje ynskjer å bli assosiert med.

Dermed blir medlemmene stilt med alternativa Ove Lemicka som ordførarkandiat for Frp ved valet til hausten eller blank røyst.

Nominasjonskomiteen til Kvinnherad Frp føreslo Ellinor Rein som førstekandidat, utan å ha med noverande gruppeleiar Ove Lemicka på deira forslag til liste. Få dagar etterpå lanserte Ove Lemicka eit alternativt framlegg til liste, med seg sjølv som ordførarkandidat. Måndag kveld vart listene stemt over.

35 røysteføre medlemmer hadde møtt til nominasjonsmøtet. 18 stemte for tre førehandskummulerte på lista, 17 for éin førehandskummulert,

I første røysterunde, som var skriftleg, mangla Ove Lemicka éi røyst på å bli valt. Éi røyst vart forkasta. Ettersom han ikkje fekk 50 prosent av stemmene, blir det ny votering.

I andre runde vart Lemicka valt med 18 mot 17 røyster. Harald Hauge vart samrøystes valt til andreplass, medan Tove Lill Lakselv fekk tredjeplassen med 18 mot 16 røyster.

Grenda kjem tilbake med meir.