No startar utgreiingane
Arbeidet med KVU for den mykje omtalte «armen» til Bergen skal starta umiddelbart. Prosessen er venta å ta to år.
Publisert
Sist oppdatert
Ifølgje Haugesunds Avis skal arbeidet med å laga KVU (konseptvalutgreiing) for armen frå E134 til Bergen no starta opp. Det er stortingsrepresentant Geir Toskedal (KrF) som er avisa si kjelde.
– Samferdselsdepartementet gir Statens vegvesen eit oppdragsbrev og mandat til å laga KVU for arm til Bergen knytt til E134. Arbeidet vil starta umiddelbart og pågå i to år. Utgreiinga skal vera klar ved neste revisjon av Nasjonal transportplan (NTP), seier han til avisa.
Annonse
– Denne armen vil styrka Vestlandet på alle måtar, både når det gjeld næring og samferdsel, legg Toskedal til.
Allereie i 2015 konkluderte Statens vegvesen at utbygging av E134 over Haukelifjell måtte verta prioritert, og at utgreiing av arm frå Odda til Bergen burde greiast ut.
