No kan Forsvaret ta bilen din

Forsvaret har i lengre tid arbeida med ein ny ressursdatabase som skal sikra at dei har tilgang på alle ressursar dei måtte trenge i ein krigssituasjon. Og her må sivilsamfunnet bidra.

Eit «føre var»-tiltak

Onsdag fekk 4155 bileigarar i Norge brev i Altinn om at nettopp deira bil, i ein krigssituasjon, vil bli disponert av Forsvaret ved behov. I Vestlandet har Forsvaret rekvirert 664 køyretøy.

– Ein slik førehandsrekvisisjon kan kanskje virke dramatisk, men dette er eit «føre var»-tiltak. Det er ein del av ein større gjenoppbygging av ein beredskap Norge og Forsvaret ein gang hadde, men som blei mindre aktuell etter den kalde krigen, forklarer generalmajor Lars Christian Aamodt, sjef for Forsvarets logistikkorganisasjon i ei pressemelding.

Praksisen er heimla i lov om militære rekvisisjonar frå 29. juni 1951. Bruk av loven vert vedteke av Kongen i statsråd.

– Dette vil ikkje ha nokon praktiske tydingar for bileigaren i ei fredstid, seier Generalmajor Aamodt.

Bensin- og dieselbilar

Foreløpig vil Forsvaret berre ha bensin- og dieselbilar. Rekvireringa gjeld for eit år av gangen, men kan forlengjast.

Det er utarbeida ein nasjonal ressursdatabase, som fortsatt er under utvikling. På sikt skal ressursdatabasen utvidast med andre typar ressursar, som eksempelvis fartøy eller bygningsmasse og landområder.

Om ein har spørsmål kring rekvireringa av køyretøy, har Forsvaret oppretta ei eiga side for informasjon.

– Informasjon og kommunikasjon er kanskje det viktigaste me gjer når me no går ut og førehandsrekvirerar ei rekkje kjøretøy. Mange vil kanskje ha spørsmål, og me har dermed oppretta ei eigen side for informasjon, og me har folk som er førevare på å svare fortløpande. Me ønskjer ikkje å skapa ein unødvendig belastning, seier Aamodt.