No kan du søkja tilskot frå næringsfondet

Næringsfondet rettar seg særskilt mot prosjekt som er nyskapande og som kan bidra til betre sysselsetjing i næringssvake område.

I følgje vedtektene til næringsfondet er det visse kostnadar som ikkje fell innunder ordninga:

«Det kan ikkje gjevast stønad til sanering av gjeld eller til den løpande drifta av bedrifter. Det bør heller ikkje gjevast stønad til verksemder som mottar overføringar over statsbudsjettet. Det skal ikkje gjevast stønad til verksemder som medfører konkurransevriding i det lokale næringslivet», heiter det i desse.

Søknadane som kjem inn innan fristen 21. oktober blir lagt fram for fondsstyret for endeleg avgjerd.

I vårrunden var det fire verksemder som fekk tilskot frå næringsfondet:

Vesttek AS ved Richard Erlandsen fekk pengar til produksjon og sal av solcelledriven belysning. Kloster Laks AS ved Rune Eide fekk tilskot til produksjon av røykelaks. Ingemar Røyrane fekk tilskot til å byggja opp Røyrane bubilparkering i Ølve, medan Norsk økois ved Øystein Skjæveland i Herøysundet fekk tilskot til å kjøpa mobilt fryserom, pasteuriseringskjele og frysemaskin.