No kan du bestille time til reisevaksinasjon igjen
Dette opplyser Kvinnherad kommune etter at kontoret har vore stengt sidan 30. mars.
Publisert
Sist oppdatert
Grunnen til at kontoret har vore stengt er at kommunen ville prioritera helseundersøkingar for dei nykomne flyktningane frå Ukraina. Med den same gruppa i mente, ynskjer dei at personar som treng vaksine i samband med reise tek kontakt i god tid:
«Reisevaksineringskontoret vil no opna igjen for timebestilling. Vi ber om at ein tek kontakt i god tid før reise. Dette då vi kan få ein ny auke i innkomst av flyktningar, og må då prioritere desse.» skriv kommunen på sin nettstad.
