No er søknadsportalen stengt
SpareBank 1-Stiftinga Kvinnherad fekk inn 163 søknadar innan midnatt 4. oktober.
Publisert
Sist oppdatert
Sparebankstiftinga gjev ut tilskot til lag og organisasjonar to gongar i året. I vel ein månad har søknadsportalen for haustrunden 2022 teke imot velformulerte og -funderte søknadar frå Kvinnherad, Stord og Odda.
Det har stiftinga gjort siste 11 åra, og styret har nok ein gong vedteke at dei skal dele ut inntil 10 millionar kroner i denne runden.
Annonse
Bente Lie Nilsen, som er dagleg leiar i stiftinga kan fortelja om ein god søknadsbunke.
– Totalt er det omsøkt 35.000.000 kroner, opplyser ho etter å ha fått oversikt over tala.
Det er såleis ein god del av dei 163 søknadane som kan venta seg avslag, men den store summen som er omsøkt viser samstundes at det framleis finst både vilje og interesse for å leggja til rette for aktivitetar som kjem innbyggjarane i desse kommunane til gode.
