No er gang- og sykkelvegen asfaltert
Det nærmar seg ferdigstilling av gang- og sykkelvegen i Herøysundet.
Publisert
Sist oppdatert
Dei to siste dagane i mars utførte Velde asfalt AS fyrste runde med asfaltering av gang- og sykkelvegen i Herøysundet. Dermed er det ikkje så altfor lenge til at fyrste byggjetrinn, som strekkjer seg frå krysset til Bringedalsvegen i nord til Sjøvegen i sør, er ferdig.
– Asfalteringa vil fortsetja etter påske. Elles står det vel att å ferdigstilla dekket på bruene og setja opp rekkverk, laga betongkantar og utføra vegmerking. Og så skal det såast i på grøntareala, fortel Atle Søllesvik hjå Dimmelsvik Entreprenør AS.
Annonse
– Kva tid er det klart for snorklipp og opning, trur du?
– Det må nesten fylket svara på, men det byrjar å nærma seg. Du kan seia det er den siste finishen som gjenstår. Det er jo løye med det – når du får asfalten på så går resten ganske kjapt, for då er du komen opp. Det er det som ligg under bakken som tek tid, seier Søllesvik.
