NM i sandvolleyball: Full kontroll i finalen

Søndag morgon tok dei fem Strand-Ulv-jentene Emma Rødal, Siri Aasgard, Lone Sofi Silke, Lilli Aksnes-Øystese og Henriette Næss Våge saman med Melina Mol seg vidare til finalen etter at Møre og Romsdal vart slått 3-1. På stillinga 1-1 i sett var motstandaren oppe og snusa på leiinga litt, før Hordaland viste seg som det sterkaste laget.

I finalen, med kampstart kl. 12, var det Rogaland som stod på andre sida av nettet. I denne kampen var spenninga vaska raskt og brutalt frå Hordaland si side. Første settet vart jamt, med 21-19 til Hordaland, før det følgde to overbevisande sett med 21-11 og 21-9 til Hordaland. Då var sigeren sikra før det obligatoriske 4. settet, og det hadde inga betydning for utfallet at Hordaland let Rogaland få smaka på ein settsiger til slutt, med 9-21 som utfall.

For Siri Aasgard og Lilli Aksnes-Øystese var dette deira andre strake gull i NM i sandvolleyball for regionslag

I guteklassen enda Hordaland med Eirik Skjelnes og David Eikeland på sjetteplass.

Klare for semifinalen i NM

Når regionslag møtest i sandvolleyball, konkurrerer dei seks uttatte spelarane parvis mot andre regionar. Kampane blir spelte nesten som ein femsettskamp, og kampen er ferdig dersom stillinga i sett er 4-0 eller 3-1 til eitt av laga. Trenaren skal byta inn nye spelarar i kvart sett, slik at alle seks spelarane har spelt minst eitt av de fire setta. Dersom det står 2-2 i sett etter fire spelte sett, skal det spelast eit golden set til 15 poeng. Då kan trenaren velja kva to spelarar som skal spela dette, uavhengig av kven som har spelt saman tidlegare i kampen.

Gjorde reint bord i inneiande kampar