NM-gull til Ekeland, Aasen og TIF Viking

NM-finalen har vore utsett, men endeleg var det klart for toppoppgjeret i Ekeberghallen. Av volleyballspelarane frå Kvinnherad var det Ekeland som hadde speletid mot Koll i den spanande kampen.

– Blei ikkje så mykje spel i dag som tidlegare, men same det så lenge me vinn! skriv Lars Kristian til Grenda etter kampen.

Med ein 2-3 siger gjekk Kongepokalen til TIF Viking. Då sigeren var sikra var vegen kort til garderoben kor champagnen vart spretta, som seg hør og bør.

Legendarisk trenar gir seg

Det er trenar Ivar Bakken som har førebudd herrelaget til NM-finalen mot Koll. Med denne sigeren har Bakke 32 titlar og 50 år som trenar bak seg.

Under cupfinalen laurdag kveld blir han heidra for jobben han har gjort, før han no takkar av som trenar.

Før cupfinalen peika Eivind André Pettersen, sportsleg leiar i TIF Viking, at det mogleg kunne bli 32 titlar på Bakke før han takka for seg.

– Ivar er ein fantastisk kar. Ein legende i norsk volleyball og eigentlig i norsk idrett. Han har vunne alt. Han har tatt titlar i seks tiår på rad sidan 1970-talet, det er heilt fantastisk. Han kan ta sin 32. tittel som trenar, då snakkar vi NM, eliteserietitlar og nordiske meisterskap. Han har jo fleire titlar enn Nils Arne Eggen, som òg er ein kjempestor legende, utan at eg skal samanlikna volleyball og fotball, sa Pettersen til TV 2.

Koll ILI - TIF Viking

Sett 1: 20 - 25

Sett 2: 25 - 21

Sett 3: 20 - 25

Sett 4: 25 - 20

Sett 5: 10 - 15