Nesten ny rekord for Husnes
Husnes mangla berre éin einaste innbyggjar for å tangera den kvinnherske rekorden.
I 2016 høyrde 2.695 innbyggjar til Husnes, eller meir presist Undarheim skulekrins. Etter den tid har folketalet svinga litt opp og ned, men har heile tida halde seg på 2.600-talet. Med den store auken på den nye målinga, ligg bygda og snuser på 2.700 innbyggjarar, noko ingen bygder i Kvinnherad nokon gong har nådd. I år stoppa det på 2.694.
Elles ser vi at stadig fleire busett seg på og ved Sæbøvik, noko som i stor grad heng saman med utvikling av nye byggjefelt. Nytt byggjefelt er nok også ei viktig årsak til at Ølve endeleg får ein pluss.
Artikkelen held fram under annonsen.
Bygd, Endring, Tendens
* Husnes, +64. Hadde før dette fire år med liten nedgang. Manglar 1 på å tangera rekorden.
* Sæbøvik, +13. Har auka kvart einaste år sidan 2012.
* Ølve, +7. Snur dårleg tendens, men er likevel 81 færre enn i 2011.
* Sunde, +6. To år med liten auke etter fleire dårlege år.
* Seglem, +5. Snur fem strake år med nedgang.