Neste steg i prosessen for Heradstun

– Me driv og går gjennom tilboda som er komne inn. I fyrste omgang får me sjå på om dei er godkjende og tilfredsstiller krava, dersom dei gjer det så må me sjå dei opp mot budsjettet om dei er innanfor det, sa einingsleiar for eininga Prosjektering og eigedom Erlend Bøyum.

– Dersom tilboda er over budsjett må me ta det opp politisk igjen, og eventuelt spør om meir midlar. Men det får me sjå når me kjem så langt, me veit meir etter at me har gått gjennom alle om ei veka og to, la han til.

Einingsleiaren ville derimot ikkje gå ut med kor mange tilbod som er komne inn i den aktuelle saka.

– Noko meir enn det vil eg ikkje sei, uttalte Bøyum.