Nestbeste SKL-resultat nokon gong
Overskotet gjekk monaleg ned frå 2022, men 2023 vart likevel det nestbeste året for SKl nokon gong.
Publisert
Sist oppdatert
– SKL omsette for 2 419,6 mill. kroner, og resultat etter skatt vart 669,2 mill. kroner. Det vart produsert 2 271 GWh med fornybar kraft, noko som er 180 GWh lågare enn det som er rekna som middelproduksjon, skriv i ei pressemelding i samband med at årsresultatet for 2023 vart offentleg på tysdag.
– Etter eit 2022 prega av uro i energimarknaden i Europa, har forholda normalisert seg gjennom 2023 til tross for den pågåande krigen i Ukraina. Energibalansen er styrka både for gassmarknaden i Europa og for magasin fyllinga i Norden. Prisane har på denne bakgrunnen også komme monnaleg ned frå nivået i 2022, men er framleis høge i eit historisk perspektiv, vurderer SKL i samband med årsresultatet .
Annonse
SKL sel all kraft til prisen som til ei kvar tid er i marknaden, eller til spot-marknaden om ein vil. Totalt skal SKL betala 1350,7 millionar kroner i skattar og avgifter i 2023, og konsernet deler ut 400 millionar kroner i utbyte til aksjonærane. Tilsvarande tal etter det ekstraordinære 2022-resultatet var 1400 millionar kroner i utbyte.
Vasskraftproduksjonen
For SKL var produksjon i 2023 på totalt 2172 GWh i SKL.
– Det er 126 GWh, eller ca. 5,5 prosent, mindre enn det som er rekna som middelproduksjon. Dei konsoliderte småkraftverka hadde ein produksjon på 99 GWh, mot middelproduksjon for anlegga som utgjer 153 GWh. Total nedbør i Matre i Kvinnherad, der SKL har sitt største anlegg i Blådalsvassdraget, vart 2937,3 mm som er 11% lågare enn normalt, noko som også forklarar kvifor produksjonen vart lågare enn normalt, skriv SKL.
Annonse
Magasininnhaldet ved inngangen til 2023 var på 68,1%, mens den ved utgangen av året var på 56,2%, rapporterer kraftprodusenten.
Årsrekneskapen vart handsama i styret 27. februar 2024. Styret tilrår ovanfor generalforsamlinga ei utbetaling til aksjonærane på 400 mill. kr. Generalforsamlinga vert halden 23. april.
