Nedgang i etablerte foretak i Kvinnherad
I løpet av årets andre kvartal er det etablert 28 nye føretak i Kvinnherad kommune. Dette er åtte færre enn same periode i fjor.
Publisert
Sist oppdatert
Det er Tripletex som har gått gjennom dei ferskaste tala frå SSB. Desse har dei nytta for sjå korleis stigande renter og auka kostnadar har vore med å påverka etableringa av nye føretak i denne perioden.
Tala viser at det i andre kvartal 2022 vart etablert 28 foretak i Kvinnherad kommune, mot 36 nyetableringar i same periode i fjor.
Annonse
– Me veit jo at mange bedrifter står i ein krevjande situasjon, noko som òg kan leggja ein dempar på etableringslysta, seier Hege Oustad, dagleg leiar i Tripletex i ei pressemelding.
Oustad understrekar vidare at det er naturleg at talet på nye føretak som blir etablert går ned når ein er inne i ei krevjande tid.
– Med energikrise, generell prisvekst og økonomisk uro i Europa er det naturleg at det får følgjer for talet nye føretak som blir etablert. I tillegg har me så vidt lagt bak oss ein pandemi som òg kan ha gjort risikoen ved å drive bedrift tydeleg for mange, sluttar ho.
