Nedgang i energibruk i Noreg

– Samla energibruk går ned fordi elbilar er meir energieffektive enn fossile bilar, og fordi kraft frå land erstattar ineffektive gassturbinar på sokkelen, seier seksjonssjef Maren A. Esmark i NVE.

Reduksjon i energiintensitet

NVE har sendt ei pressemelding om denne rapporten, sidan dei har ansvaret for å følgja med på, og informera om utviklinga i norsk energibruk. Energibruksrapporten 2024 gjev ei enkel oversikt som viser korleis energibruken har utvikla seg i dei ulike sektorane dei siste åra.

Energiintensiteten er ein indikator som viser kor effektivt me brukar energien samanlikna med den norske verdiskapinga. I 2016 vedtok dåverende regjering å redusera energiintensiteten i Fastlands-Noreg med 30 prosent fra 2015 til 2030, altså at verdiskapinga skal «kosta» mindre energi.

– Mellom 2015 og 2023 har energiintensiteten i Fastlands-Norge gått ned med 12,3 prosent. Det betyr at me brukar mindre energi per produsert eining, seier Esmark.

Meir fornybart

I handlingsplan for energieffektivisering frå 2023 står det at me innan 2030 skal ha redusert straumforbruket i heile bygningsmassen i Noreg med 10 terrawattimer (TWh), sammenlikna med 2015. Det betyr at straumforbruket må reduserast til 55,6 TWh i 2030.

I 2023 enda straumforbruket i bygg på 63,3 TWh. Forbruket har dermed gått ned med 2,3 TWh sidan 2015, samstundes som folketalet i Norge har auka.

– Me ser at nordmenn bruker energien meir effektivt i bygga sine. Likevel må straumbruken reduserast mykje dei neste åra for å nå ein reduksjon på 10 TWh innan 2030, seier Esmark.

I rapporten vert også utviklinga i fornybarandelen til Norge presentert. Fornybarandelen viser kor mykje av energibruken som vert dekka av fornybar straum, varme og bioenergi.

– I 2022 var fornybarandelen til Norge 75,8 prosent. Til samanlikning var den på 61,9 prosent i 2010. Meir fornybar kraft er den viktigaste årsaka til denne oppgangen, seier Esmark.