Nærmar seg ferdig planforslag
Ifølgje ordføraren er Norconsult ikkje så langt unna å vera ferdig med eit planforslag for gang- og sykkelveg gjennom Dimmelsvik.
Publisert
Til kommunestyremøtet før påske hadde Gunnar Helleland (INP) sendt inn spørsmål om gang- og sykkelveg over Lundsbakkane i Dimmelsvik. Sidan han sjølv var på jobb i Australia, vart spørsmålet bore fram av partikollega Heidi Bolette Jakobsen.
– Kva skjer med planane for gang- og sykkelsti frå Best/Dimmelsvik Bil over Lundsbakkane til Fet i Omvikdal? Kva tid kan vi i Omvikdal og resten av kvinnheringane forventa at dette prosjektet vert realisert?, las ho.
Annonse
Ordførar Vegard Bjørnevik (H) svarte at det er det er utarbeidd eit forprosjekt for tiltaket, og at ny reguleringsplan, som byggjer på dette, er under utarbeiding.
– Konsulenten Norconsult nærmar seg eit ferdig planforslag til politisk behandling og påfølgjande offentleg ettersyn. Tiltaket er meldt inn for eventuell tildeling av RTP-midlar (regional transportplan i fylket), då dette er eit fylkesvegtiltak. Per i dag er det ikkje sett av utbyggingsmidlar, men vi har god dialog med fylket om prosjektet, og med tanke på å få midlar, vil det vera ein føremon å ha ny vedteken reguleringsplan, sa han.
