Nabolaget-vinnar på Husnes
Fredag kveld vart ein person på Husnes den lukkelege vinnaren av 1 million kroner i lotterispelet Nabolaget. Fleire andre som har spelt i same område kan dermed også smila ganske breitt.
Publisert
Sist oppdatert
Nabolaget er eit av spela til Norsk tipping, kor ein deltek med adressa si. Dersom ein vinn, vinn også naboane som har spelt. Difor er det fleire som kan feira pengepremiar i Kvinnherad i kveld.
I kveld var det Egil Mikal Johansen (55) si adresse som vart plukka ut.
Annonse
- Jøss! Tusen takk. Det er jo kjempefint, sa Egil Mikal då telefonen frå Norsk Tipping kom.
Då Grenda ringte var det enno ikkje gått heilt opp for han.
– Nei, kva skal ein sei. Adrenalinet kokar jo. Eg klarar ikkje å tenkje klart. Dette er jo ein telefon ein berre får ein gong i livet, sa han glad og mogleg litt overrumpla.
1.750.000 kroner til Husnes
Fem personar som bur innanfor 205 meter frå førstepremievinnaren har vunne 100.000 kroner kvar. Ti personar er registrert innanfor 328 meter frå millionæren, og har såleis vunne 10.000 kroner kvar.
Annonse
Den totale potten som er registrert på i Nabolaget til hovudpremie-adressa er 1.750.000 kroner, og det er totalt 2066 vinnarar i nærområdet.
Grenda gratulerer!
Kvar fredag vert det trekt seks nabolag. Fem av desse har ein hovudpremie på 100.000 kroner, medan eitt av nabolaga har hovudpremien på 1 million. Denne gongen var det altså ei adresse på Husnes som trekte det lengste strået.
Takk til Grenda-tipsaren som budde 3,1 km frå hovudpremievinnaren.
