Naboar fekk nok av festbråk
Ein person på ei privat adresse på Husnes fekk grytidleg laurdag morgon telefon frå operasjonssentralen til politiet med klar beskjed om å runde av festen.
– Det var såkalla «nach» på adressa, og naboar hadde fått nok av dei høge lydane. Det blei ikkje sendt patrulje til staden, men vedkomande fekk via telefon påtale frå operasjonssentralen om å dempa seg. Etter det blei det stille, fortel politistasjonssjef Sigurd Børve.
Tekst: Gina Eriksen Albrethson
