MS «Sunnhordland» kjem til Halsnøy: - Det blir bygdefest i baren
Veteranskipet MS «Sunnhordland» klappar til kai på Eidsvik førstkomande laurdag, og inviterer til bygdefest for bygdefolket. - Me snurrar god dansemusikk på anlegget, lokkar arrangøren.
Publisert
– Restaurantdelen er booka til julebord for kunde, men etter det riggar me til for bygdefest i baren. Me håpar du tek med deg naboen, kona, tanta, onkelen, trekkspelet, munnharpa, samt knakande godt humør, og kjem ombord denne kvelden, skriv arrangøren på Facebook.
Foreininga bak det staselege veteranskipet helsar hjarteleg velkomen til eit julepynta og fjongt fartøy, og lovar god dansemusikk over anlegget.
Annonse
– Men kjenner du trongen for å underhalda med song eller musikk er scenen disponibel til deg, skriv dei om hendinga.
MS «Sunnhordland» vil liggja fortøydd ved Fiskerikaien på Eidsvik laurdag kveld.
