Mopedist ville ikkje stoppa for politiet - må møta i retten

Ein mann i 30-åra frå Kvinnherad må møta i Haugaland og Sunnhordland tingrett tiltalt for brot på fleire ledd av vegtrafikklova.

Hendinga skjedde i juli, då mannen kom køyrande på ein moped forbi ein trafikkontroll langs ein veg i Kvinnherad. Han ville ikkje stoppa for den uniformerte patruljebilen på staden, som dessutan hadde blålysa på.

I forsøket på å unngå fartskontroll, la han seg over i motsett køyrebane, og heldt heile vegen ein så stor fart at han også er tiltalt for aktlaus køyring. Mannen hadde heller ikkje gyldig førarkort, og mopeden mangla lovlege kjennemerke.

I tiltalen står det at det blir lagt ned påstand om at mannen skal mista førarretten.