Mogleg Kaizers-gjenforeining?
I musikkpodkasten «PopKast» fortel frontfigur Janove Ottesen at det framleis finst håp om eit comeback med Kaizers Orchestra.
Publisert
Sist oppdatert
– Me har aldri sagt at det er over. Me kom jo berre med den eine meldinga då me var ferdige i 2013, om at no legg me bandet på is, og vil ha ein lang pause, seier Ottesen til programleiar Tone-Lise Skagefoss, i følgje byas.no.
Kaizers Orchestra debuterte med braksuksessen «Ompa til du dør» i 2001, og oppnådde raskt status som eitt av landets beste, og mest suksessrike, liveband. Fram til dei tok pause i 2013, turnerte bandet i både inn- og utland og spelte inn åtte studioalbum. Orkesteret vann også fleire Spelemannprisar, til dømes Årets Spellemann i 2012.
Annonse
Trommeslagaren i bandet, Rune Solheim, er oppvaksen på Kaldestad, noko som nok bidrog til at Kaizers Orchestra hadde fleire konsertar i Kvinnherad dei åra maskineriet var i sving. Fleire kvinnheringar har nok trykt musikken deira ekstra tett til brystet av den grunn.
– Det kan godt vera at me skal spele igjen. Det håpar me, og det håpar mange andre. Men når – det er vanskeleg å spå, seier Ottesen i podkasten.
