Mobilnettet nede fleire stader i Kvinnherad

– Telenor har meldt om utfall i ein del basestasjonar i Kvinnherad. Entreprenør er varsla for å starta arbeidet med å utbetra feilen. I tillegg har Telia meldt om utfordringar med basestasjonane i Husnesområdet, opplyser Kvinnherad kommune på sine nettsider.

– I følgje Telenor og Nkom (Nasjonal kommunikasjonsmyndigheit) gjer utfallet at det er manglande mobildekning rundt områda Matre/Fjellhaugen, langs Fv 40 og i og rundt Ølve. I tillegg er det redusert kapasitet i Kvinnheradfjorden mellom Herøysund og Ølve og store delar av Halsnøy (Sæbøvik og Høylandsbygd). Ein god del kundar har og brot på breibandsambandet, opplyser kommunen vidare.

Det skal vera ikkje registrert utfall i Nødnett.

Kommunen gjengir desse råda frå Nkom til brukarane:

• Så lenge det er dekning frå ein mobiloperatør i eit område, er det mogleg å ringe nødnummeret 112 for alle naudsituasjonar via roaming (gjesting) hjå andre operatørar som har dekning.

• Viss ein har trådlaust breiband har dei fleste høve til å ringe med WIFI tale

• Flytta seg til eit område som har mobildekning

– For kontakt med Husnes helsesenter ringer du legevakt 116 117 ved akutt behov. Bruk gjerne helsenorge.no for førespurnadar som ikkje hastar om du har tilgang til det. NAV Kvinnherad held stengt i dag grunna utfall av nett og telefon, skriv kommunen vidare.

Her finn du dekningskartet til Telenor.