Mistenker ruskøyring etter grøftetur

Klokka 07.40 laurdag morgon fekk politiet melding om ein bil som har køyrt i grøfta ved Erikstølen på Hatlestrand.

Politiet var raskt på staden, der eitt køyretøy og éin person var involvert.

– Fører er mann i 30-åra. Han er mistenkt for køyring i ruspåverka tilstand og for køyring utan gyldig førarkort. Politiet sikrar nødvendige prøvar og opprettar sak. Det er ikkje meldt om personskade, opplyser Eirik Loftesnes ved operasjonssentralen til Vest politidistrikt laurdag morgon.

Erikstølen ligg opp i lia ovanfor Hatlestrand, om lag ved der Håland Auto heldt til, og er på vegen opp til Hatlesteinen, Hatlesteinsvatnet og Skagastjørn.