Mista førarkortet etter utforkøyring
Søndag ettermiddag køyrde ein bil av vegen på Gjerde, Løfallstrand. Etter forholda å døma bestemte politiet seg for å gjera beslag av førarkortet.
Publisert
Sist oppdatert
– Bilen kom sørfrå, og hamna utfor vegen i ein skrent. Det vart ingen personskade, nokre materielle skadar, men ingenting alvorleg, fortel politistasjonssjef Sigurd Børve dagen etter ulukka.
Det var ein kvinneleg førar i 40-åra som køyrde av vegen og hamna på ein bakke eit stykke ned i ein skrent. Utforkøyringa skjedde i 50-sona på Gjerde på Løfallstrand like etter klokka 15.30 søndag.
Annonse
Hendinga førte til mellombels stopp i trafikken, men bilen vart utan store utfordringar trekt opp att på vegen av bilbergar.
Grunna opplysingar på staden valte politiet å gjera beslag av førarkortet til kvinna, utan at desse opplysningane blir nærare omtala av Børve.
