Metallutrenning i styperiet - har sett krisestab

– Det har vore ei metallutrenning i støyperiet, inne i prosessutstyr som er laga for å tola slikt. Det er ikkje fare for menneskeliv i samband utrenninga, opplyser pressekontakt i Hydro Christine Fon til Grenda.

Metallutrenninga fann stad fredag, stadfestar Fon.

Ho opplyser vidare at det blir ein midlertidig stans i produksjonen ved støyperiet til Hydro Husnes som følgje av hendinga og det påfølgande reperasjonsarbeidet.

– Eg vil tru det tar helga å komma seg gjennom dette, men eg har ikkje den fulle oversikta og sit litt for langt frå verket til å kunna svara eksakt her og no. Ein treng ein del ulike disiplinar på plass for å reparera skadane, og Hydro Husnes har sett krisestab for å sikra koordineringa av dette arbeidet, seier Fon vidare.

– Blir det også stans i produksjonen inne i elektrolysen, eller er stansen utelukkande i støyperiet?

– Det er støyperiet som er råka. Me har iverksett tiltak som gjer at me kan halda fram produksjonen av elektrolysemetall mens me løyser dei utfordingane me har i støyperiet. Når me er tilbake til normal produksjon er for tidleg å seia noko om no, men me har alle tilgjengelege ressursar på plass for å løyse utfordringane i støyperiet, utdjupar Fon.

Hydro Husnes har kalla inn det dei har av ekstra kapasitet for å bistå gjennom helga.

Det var Kvinnheringen som først omtalte hendinga.