Desse sakene vart presenterte på Grenda si heimeside for nokre dagar sidan. I denne artikkelen kan du sjå kva saker som var mest populære i 2024.

Mest lesne saker på Grenda.no i fjor – vinnaren klarar du aldri gjetta

Her kan du sjå topp 60 lesne saker på Grenda si nettside gjennom 2024. Saka som hamna øvst må seiast å vera litt av ei overrasking.

Morten Nygård
Journalist
Publisert

Blant all oppsummering av fjoråret som plar gjerast på denne tida av året, kan det også vera interessant å studera kva saker på Grenda.no som nådde flest lesarar. Trafikken har vore veldig god, sjølv om ingenting kan konkurrera med 2023, då saka om geita Vilde som rømte frå slaktebilen knuste alle rekordar.

Då redaksjonen såg kva sak som toppar statistikken, vart vi lettare sjokkerte. I desember hadde vi eigentleg berre litt fyllstoff om dei nye reglane for kjeldesortering. Av ein eller annan merkeleg grunn, nådde denne saka frykteleg mange lesarar. Det er jo sjølvsagt veldig gledeleg at folk bryr seg om miljøet og avfallshandtering, men at interessa skulle vera så stor var absolutt ikkje forventa. Vi kan ikkje utelukka at resultatet skuldast ein teknisk feil, eller meir sannsynleg – at enten lesarar eller automatiske system har plukka opp saka og spreidd ho til «kreti og pleti».

Ei sak om kjeldesortering vart mest lese i fjor.

Dronningbesøk

Nummer to er mykje meir logisk. Laurdag 18. mai opna ein ny sesong på Baroniet Rosendal. At dronning Sonja skulle vera heidersgjest var det svært få som visste, men Grenda hadde fått snusen i besøket, og var einaste media til stades.

Dronning Sonja vart teken i mot med ståande applaus i Riddersalen i mai. Svært mange ville lesa om dette.

Både tredjeplassen og elles mange saker på lista, handlar om ulukker og tragiske hendingar. Det er absolutt ikkje overraskande at slike artiklar blir lesne. Det same kan ein seia om samferdsle og trafikk. Sjølv saker som ikkje gjeld Kvinnherad kjem med på lista. To ulike oppslag om bygginga av den nye Røldalstunnelen, som lite fantasifullt hadde identisk overskrift, er med på lista.

Ikkje enkelt

Til slutt vil vi understreka at Grenda ikkje skal bruka lista til å gjera noko redaksjonell endring. Vi skal framleis skriva om det vi tykkjer er gode, viktige og artige tema, uavhengig av kor mange klikk sakene får. Som vi seier her på huset: «Ei sak får kanskje berre ti lesarar, men for dei ti kan det vera den viktigaste saka den veka».

Om ikkje anna viser denne oversikta at det ikkje alltid er enkelt å vita kva som faktisk slår an.

Topp 60 lese i 2024

1. Nye krav til kjeldesortering frå nyåret

2. Dronning Sonja kasta glans over sesongopninga

3. Fann død person – blir sendt til obduksjon

4. Straffa strengt etter tjuvfiske

5. Grenda-journalist Rita Isdal Cunningham er død

6. Mann sakna - sist sett på Halsnøy

7. «Jakob» bryska seg i Kvinnherad

8. No har Martin fått verje - og det er ikkje kven som helst: – Eg blei heilt «starstruck»

Martin Totland fekk møta favorittbandet sitt Oslo Ess under Festidalen i juni. Bassisten vart til og med verjen hans.

9. Avlyst på grunn av sjukdom

10. Årets namn 2024: Sjå kven kandidatane er og stem!

11. Fire bilar kolliderte på Hatlestrand

12. Byter drivstoffleverandør og kjedenamn

13. Storfangst – over 1000 fiskar på fem garn

At Jostein Nerhus gjorde storfangst i Myrdalsvatnet i desember, var det mange som ville lesa om.

14. Drukningsulukke i Bondhuselva - jobbar med å få 1 person opp av vatnet

15. Ni involvert i trafikkulukke i Furebergtunnelen

16. Stem på Årets namn - berre nokre timar att før fristen er ute

17. Desse vil byggja Røldalstunnelen

18. Telia ferdig – Telenor har starta

19. 12 personar i elva samstundes: – Enormt krevjande operasjon

20. – Me hadde englevakt begge to

21. Påkøyrt på fjorden: – Hoppa i sjøen i siste sekund

Båten som Geir Olav Guddal og sonen Sigbjørn sat i vart i juni påkøyrd av lasteskipet «Basen».

22. Den sakna mannen funnen død ved Staffivatnet

23. Livlaus person løfta opp av sjøen

24. Lothepus greip inn - har endeleg fått løna dei var lova

25. Det brenn i Husnes Brygge

26. Ragnhild gjekk ankeretappen då Norge vann

27. Eigenbetalinga ved institusjonane: – Noko gale med systemet

28. Jobbar med å innhenta elektroniske spor – ynskjer tips om bilen

29. Sendt til Haukeland: Utanlandsk mann i 50-åra

I mars vart ein mann plukka livlaus opp av sjøen utanfor Årsnes ferjekai, men utruleg nok overlevda han hendinga.

30. Var på handletur: – Då me var ferdige stod sju-åtte ungdomar og peika, lo og tok bilete

31. Ventesorg - den usynlege sorga

32. Hardt ut mot hydrogen: – Ikkje vetig

33. MC-klubben opnar lokala for ungdomen

34. Sjå tøff video frå opninga av Krokatunellen

Grenda var sjølvsagt til stades då Krokatunellen vart opna for trafikk den 27. juni.

35. Vidare til finalen i Norske talenter

36. Tre personar fall i sjøen – låg i vatnet i 1 time

37. Utforkøyring ved Skeishagen - to til sjukehus

38. Sendt til sjukehus - mistanke om ruskøyring

39. Palfinger satsar på Seim – treng fleire tilsette

Palfinger satsar vidare på Seim, kunne Grenda opplysa i juli.

40. Plass til begge? Det er det delte meiningar om

41. Front mot front i Neslia

42. Disputerer for doktorgrad

I mai disputerte Mari Torsdotter Raudstein frå Sunde for doktorgrad. Temaet var genredigering av oppdrettslaks.

43. Landa i Rosendal grunna tekniske problem

44. Her kjem det ny asfalt i år: 19 km i Kvinnherad

45. Omstridt cruiseskip vitja Kvinnherad

46. Ferjetrøbbel igjen: - Dette går ikkje an

Ferja «Lærdal» fekk mykje spalteplass i fjor. La oss håpa det ikkje vert reprise i år

47. Brøytebilen glei i grøfta

48. Her er søkjarlistene til rektorjobbane

49. Desse vil byggja Røldalstunellen

50. Frelste på Mustang: – Lyden er halve opplevinga

Bilinteressa er tydelegvis stor i Kvinnherad .Det vart stadfesta av lesartala for artikkelen om dei Mustang-interesserte karane Vidar Moss (t.v.), Daniel Skeie og Truls Skeie.

51. Startar opp søk etter nytt funn i sakna-sak

52. Dette betalar «Johan Castberg» kvar dag

53. Rysta etter hærverk: – Me føler oss litt makteslause

54. 13-åring mista livet i Bondhuselva

Den forferdelege ulukka i Bondhuselva, der ein 13 år gamal gut frå Ungarn mista livet, sette sitt preg på kommunen.

55. Begge ferjene ute av drift - Rute 1 startar 09.00

56. Ras i Mauranger - vegen stengt til i kveld

57. Trafikkulukke i Folgefonntunnelen – tunnelen stengt

58. Set foten ned for utbyggingsplanar

59. Skreiv dikt om ferjeforslaget: – Kjende på ein harme

60. Regjeringa har bestemt «armen til Bergen»: - Eit framtidsretta val

uskedalen rosendal nyhende mauranger husnes hatlestrand halsnøy ølve vitskap og teknologi
Powered by Labrador CMS