Merethe sin dokumentarfilm skal visast på NRK
Merethe Offerdal Tveit sin prisløna dokumentarfilm «Odelsgut og Fantefølge» skal visast på NRK 10. juni.
Publisert
Sist oppdatert
Dokumentarfilmen, som vart kåra til årets norske dokumentarfilm under Biff i fjor og som nyleg vann Gullfluge-prisen under dokumentarfilmfestivalen i Volda, får no sin nasjonale premiere.
Filmen til Merethe Offerdal Tveit er nemleg ein av dokumentarfilmane statskanalen har plukka ut til si årlege dokumentarfilmsatsing «NRK’s dokusommar», og vert sendt på NRK 1 torsdag 10. juni.
Annonse
Dagen i forvegen vil «Odelsgut og Fantefølge» vera sentral i opninga av kortfilmfestivalen i Grimstad.
– Her vil filmen sparka i gang ein debatt om offentleg kulturstøtte, med NFI-direktør Kjersti Mo og Anette Trettebergstuen (Ap) blant paneldeltakarane, står det å lesa i ei pressemelding frå Stray Dogs.
