Merethe er nominert til Human-prisen

Merethe Offerdal Tveit er nominert til Human-prisen 2021 med sin dokumentarfilm «Odelsgut og fantefølge».

Ein førehandsjury har plukka ut 11 norske dokumentarfilmar er nominert til Human-prisen 2021. Blant dei Merethe Offerdal Tveit og hennar «Odelsgut og fantefølge», dokumentarfilmen om kunstverket som snudde ei lita bygd i Gudbrandsdalen på hovudet.

– Med mange spennande og ulike dokumentarfilmar på bordet, var det vanskeleg å gjera eit utval til det norske konkurranseprogrammet i år. Kanskje er det alltid slik for førehandsjuryen, men vi har i alle fall hatt gleda av å sjå mykje god film – i ein periode der den norske dokumentarfilmen generelt har markert seg både nasjonalt og internasjonalt, skriv juryen i ei pressemelding.

Human internasjonale dokumentarfilmfestival går av stabelen i Oslo 1. til 7. mars, og er hovudstaden sin største dokumentarfilmfestival.