Megastjerna Sigrid spelte på Salmon Eye – og spelar i Rosendal i kveld
Den norske megartisten Sigrid overraska alle med konsert frå toppen av Salmon Eye etter avdukinga. I kveld spelar ho i Rosendal.
Publisert
Sist oppdatert
Så langt har Salmon Eye avslørt at DDE og Kjartan Lauritzen skal spela på den store, gratis opningsfesten i Rosendal i kveld. Det har heile vegen vore signalisert at det skulle bli konsert med tre store artistar på den konserten.
Samtidig som at Salmon Eye vart avduka, vart det også klart kven den siste av superartistane blir. For på toppen av lakseauga dukka Ålesund-artisten og megstjerna Sigrid frå Ålesund opp, og framførte «Don’t kill my vibe» og «Strangers». Ho har over tre millionar månadlege lyttarar på Spotify, og er av dei aller største norske artistane på verdsbasis.
Annonse
Eigentleg gir hemmeleghaldet av hennar framføring i Rosendal meining. Det kunne kome mange tusen tilskodarar til opningsfesten i Rosendal berre for å sjå ho.
