– Me kjem sterkare tilbake

Trass i engasjement og hardt arbeid, i tillegg til utelukkande positive tilbakemeldingar og mottaking til Avbrekk, har ikkje arrangørane klart å oppnå det nødvendige talet på påmeldingar på veg inn i sommarmånadane, skriv arrangørane Morten Nilsen og Lisbeth Spies i ei pressemelding.

– Då påmeldingane har latt vente på seg har me ikkje treft 100 prosent blink. Me trur likevel at me er inne på noko, og er fast bestemt på at me skal gjennomføra. Me ynskjer også å takka våre fantastiske støttespelarar. Deira engasjement, hjelp og støtte har vore uvurderleg, fortel arrangørane i pressemeldinga.

– Me lovar å koma sterkare tilbake! avsluttar dei.