– Me berre gjorde det!
Rein Hardangerfjord har konkludert med at den omfattande ryddeaksjonen var vellukka.
Publisert
Dei sparar slett ikkje på superlativa etter at den første ryddeaksjonen i det femårige prosjektet er overstått, og meiner resultatet rett og slett er fantastisk.
«Takka vera 2381 friviilige fordelt på 168 aksjonar langs heile fjorden klarte me å rydda 1004 km strandlinje og 20,2 tonn med plast på ein dag (tal per 20.09)», oppyser dei på nettsida si.
Annonse
Dei har også lagt ut ein film der blant anna intiativtakar Kenneth Bruvik kjem med ein epilog:
– Hardangerfjorden, verdas 5. lengste fjord. Fem år etter plastkvalen går altså mann av huse inne i fjorden her. Og det er 3-4000 menneske som ryddar plast. Nesten 100 båtar. Det er eit engasjement rundt denne fjorden som er heilt vanvittig, seier han i filmen, som sluttar av med ein takk til alle som gjorde ein innsats.
