MDG kjem med eige budsjett
– Me kan ikkje gå inn for eit kommunebudsjett utan visjonar for framtida, seier Jostein Saghaug om at MDG ikkje stiller seg bak budsjettforslaget til dei store partia.
Publisert
– Me vart invitert inn til eit breitt samarbeid, men det var ingen vilje til å møta oss på noko av det som me meiner er viktig. Budsjettet for 2022 manglar visjonar. Samfunnet står føre store utfordringar, men det er ein ikkje villig til å ta inn over seg, seier gruppeleiar for MDG i kommunestyret Jostein Saghaug om at dei kjem med eige budsjettforslag.
Deira alternativ til kommunebudsjett vil å få fart på det grøne skiftet. Fokuset i forslaget blir satsing på energieffektivisering. Partiet tar til orde for å redusera straumforbruket i bygg der kommunen betalar straumrekninga med 50 prosent innan 2030, mål mot forbruket i 2020.
Annonse
– Forbruket skal reduserast med minimum 10% frå 2020 til 2022, deretter minimum 5% kvart år fram til 2030. Nødvendige investeringsmidlar vert lagde inn i budsjettet, melder Saghaug om forslaget.
Dei viser også til at det i planperioden skal rehabiliterast fleire skular, og at ein må i dette arbeidet ha særleg fokus på energieffektivisering.
