MC-ulukka i Mauranger - mista kontrollen

Det var i 16-tida måndag at politiet fekk melding om ulukka, der både ambulanse og politi rykka ut. Det er no klart at motorsyklisten skal ha mista kontroll i samband med ei forbikøyring.

– Motorsyklisten trefte autovernet etter å ha mista kontrollen, før han så blei slengt inn i skråninga på hi sida av vegen, som var delvis full av store steinar. Føraren kom relativt uskadd frå det, men sykkelen fekk store materielle skadar og blei delt i to i samanstøyten, fortalde politistasjonssjef Sigurd Børve onsdag morgon.

Føraren blei frakta til Odda sjukehus, men var relativt uskadd og seinare dimittert derifrå. Børve fortalde avslutningvis at det vart gjort beslag av førarkort og oppretta sak grunna aktlaus køyring.