Mauricio vidare

– Eg spelte ei kjempetung og rask eigenkomponert låt på trommesett, med gitar på backingtrack. Eg hadde ingen forventningar om å gå vidare, men eg gav alt, berre for å ha det gøy, fortel den tidlegare kulturskulelæraren.

Det var nok lurt å gje gass, for Mauricio gjekk vidare til neste runde.

– Alle fire dommarane sa ja! Så det var veldig moro, fortel han oppglødd.

Vil visa variasjon

Det var produksjonsapparatet til Norske Talenter som i utgangspunktet tok kontakt med Weimar for å få han med i konkurransen. Han skulle eigentleg ha vore gjennom ein test før audition, men dei oppfatta kjapt at han visste kva han dreiv med.

– Så eg slapp å ta den der før-testen, og kunne gå rett til audition.

Det neste me får sjå av Mauricio på TV er den såkalla dommarutvelginga. Det er ein andre audition, der dommarane skal sila ut dei beste av alle som har gått vidare. Mauricio har alt gjennomført denne, men får ikkje lov til å fortelja oss korleis det går. Me treng nok ikkje venta lenge med å få sjå utfallet av dette, meiner han.

– Det blir nok sikkert sendt om eit par veker. Då vil sjåarane få høyra ein heilt annan type musikk enn i første runde, ikkje noko tung og hardt i det heile. Eg vil jo visa litt variasjon.

Då gjenstår det berre å sjå om dommarane held fram med gode avgjersler i neste runde.