Mattilsynet på tilsyn i Kvinnherad
Mattilsynet har vore på fleire besøk i Kvinnherad denne sommaren, og fredag før helga var det Do Mo Sjømat på Snikkeriet i Rosendal som stod for tur.
Resultatet blei karakteren 1 og eit stort smilefjes. Karakteren 1 betyr at det har vore mindre brot på regelverket som ikkje krev oppfylging, og kvalifiserer difor til smilefjes.
Fleire besøk
Annonse
Det kjem ikkje fram av rapporten akkurat kva det mindre brotet handla om, ikkje at det betyr så mykje, for no kan Snikkeriet smykka seg med eit stort smilefjes.
Snikkeriet er derimot ikkje åleine om å ha fått Mattilsynet på besøk. Ved eit par ulike høve tidlegare i sommar tok dei turen til Kvinnherad for å ha fleire tilsyn på nokre av etestadane våre.
4. juni fekk Rosendal Drivhus og Hagekafé besøk, 25. juni fekk Café Hylleblomen og Galleri Kafé Guddal besøk og 26. juni fekk Olaløo, Sundal Camping og Mauranger Kro og Gjestehus besøk.
Det gode nyhendet er at dei alle som éin fekk store smilefjes til å henga opp i vindauga sine.
