Måtte rykkja ut etter nødmelding

Klokka 22.30 laurdag kveld mottok Politiets operasjonssentral eit nødanrop frå ein mobiltelefon. Samtalen vart avbroten, og då politiet ringte opp att, vart anropet avvist.

– Det viste seg at ingen var i nød. Viss nokon er uheldige og uforvarande koplar inn eit nødnummer, er det viktig at ein ringer for å gje beskjed om at det ikkje er nokon nødsituasjon, og i alle fall svarer når politiet ringer opp att, slik at vi ikkje bruker unødvendige ressursar på å undersøkja, oppmodar politioverbetjent Torgeir Fosse.