Måtte fjerna trugande person frå bustad

Natt til laurdag i 01.30-tida fekk politiet melding om at ein uvedkomande person hadde teke seg inn på ei adresse på Husnes.

– Der hadde han ingenting å gjera, og dei som budde i huset oppfatta det som ein trugande situasjon. Politiet rykte ut, tok hand om mannen og køyrde han heim. Samstundes fekk han pålegg om å ikkje besøkja Husnes sentrum igjen før neste dag, opplyser politibetjent Sondre Solheim.