Marineøving i kvinnherske farvatn
Norske og britiske marineskip og helikopter har vore å sjå i Kvinnherad dei siste dagane. Fredag vart det skote med bluss på fjorden.
Publisert
Sist oppdatert
Fleire norske og britiske marineskip har vore på tokt i Kvinnherad, som ein del av ei øving som skal vara fram til 3. mai.
Fredag var først fregatten KNM «Roald Amundsen» på vitjing, etter å ha kome inn Lukksund saman med to korvettar og fire mindre, britiske marineskip. Desse gjekk innover Hardangerfjorden før dei snudde innanfor Varaldsøy.
Annonse
Mellom Løfallstrand og Gjermundshamn fekk dei selskap av to britiske helikopter, som mellom anna skaut bluss som forsvar mot missil, slik Andreas Gravdal fanga på video.
Øvinga heiter Tamber Shield og starta 17. april , og skal vara til 3. mai, i følgje ei pressemelding frå forsvaret.
Fredag kveld var også KNM «Maud» på tokt rundt Fjelberg og Halsnøy, gjennom Høylandssundet og innover Hardangerfjorden.
– Hurtig beredskap langs norskekysten er avgjerande for både Norge og allierte i ei potensiell krise. Britiske sjø- og lufteiningar trener no saman med det norske Sjøforsvaret for å kunne oppretthalda beredskapen i våre nærområde. Den britiskleia øvinga Tamber Shield som går under samarbeidet Joint Expeditionary Force (JEF) føregår no i kystnære områder utanfor Bergen, går det fram av pressemeldinga til Forsvaret.
Annonse
Her kan ein lesa meir om øvinga.
