Mann i 30-åra sakna: Leitar særleg i eit område mellom Kuhammaren og Melderskin
Dette opplyser operasjonsleiar Tatjana Knappen til BT.
Publisert
Sist oppdatert
Mannen som er sakna la ut på tur fredag, og var venta heim att søndags ettermiddag. Det at han korkje kom heim som avtalt eller hadde gitt beskjed blir av politiet omtala som urovekkjande.
Mannen kjem frå Bergen og er fjellvant, og politiet veit for sikkert at han har vore på Malmangernuten. Partiet der det no blir særskilt søkt etter den sakna er krevjande, bratt og ulendt.
Annonse
– Det er ei ganske krevjande rute og ikkje merka sti heile vegen. Dette er for vidarekomne. Sakna er fjellvant og hadde med seg telt for å overnatte, seier Katten til BT måndag morgon.
Politiet har iverksett sporing etter mobil, men det gir berre indikasjonar på kor mobilen er, og det er også dårleg dekning fleire stader i området.
