Mann i 20-åra prøvde å importera narkotika tre gonger utan å lukkast

I ei tiltaleslutning frå Haugaland og Sunnhordland tingrett står det at ein mann i 20-åra frå Kvinnherad er tiltalt for å, i ein periode på ein dryg månad i sommaren i fjor, ha prøvd å bestilla narkotika via post - ved tre ulike høver. 

Først prøvde han å få tilsendt 10 stykk LSD-drypp, så 12 gram amfetamin, og berre dagar seinare 10 Ecstatsy-tablettar. Narkotikaen prøvde han å importera frå Tyskland, men dei blei altså stoppa av tolletaten alle gongane.

I tillegg må mannen svara på kvifor han hadde over to gram amfetamin og sju gram hasj liggande i heimen sin i oktober.