Mann frå Kvinnherad vann i lotto
På laurdag ante ein mann frå Kvinnherad fred og ingen fare då det ringte frå Hamar. Han hadde nemleg vunne i lotto.
Publisert
Det var fem rekker som hadde alle dei sju vinnartala, så dei fem eigarane av rekkene delte potten på om lag 14.500.000 kroner.
– Nei, eg har ikkje sjekka Lotto-kupongen, kom det forsiktig frå mannen då Norsk Tipping slo på tråden.
Annonse
– Då kan vi overraska deg med ein Lotto-premie på 2,9 millionar kroner!
– Å, herregud, no vart eg sjokka. Eg veit nesten ikkje kva eg skal seie, men dette er veldig positivt, sa den glade kvinnheringen ifølgje Norsk Tipping si heimeside.
Mannen vann nøyaktig 2.904.070 kroner på ein 5-vekerskupong han leverte frå mobilen midt i juni.
Hovudtala var 6 – 13 – 21 – 23 – 26 – 27 – 31
Annonse
Tilleggstalet var 4.
Dei andre vinnarar var ein mann frå Øygarden, ein mann frå Hareid, ei Kvinne frå Oslo og ei kvinne frå Indre Østfold. Kvar av dei vann også 2,9 millionar.
