Mann dømt for køyring i påvirka tilstand
Ein mann i 20-åra frå Kvinnherad vart 11. november dømt for å køyrd bil medan han var påverka av cannabis.
Publisert
Sist oppdatert
Politimeisteren i Vest Politidistrikt sikta mannen for brot på vegtrafikklova paragraf 31, å køyra ein motorvogn medan ein er påverka av rusande eller bedøvande midlar.
Tiltalte skal ha køyrd bilen med ein konsentrasjon av THC i blodet som svarer til minst 0,5 i alkoholpromille, og vart oppfatta som rusa då politiet stoppa han. Etter klinisk test av lege og analyseresultat av blodprøve som viste over 0,5 i promille, har retten funne det sikkert at tiltalte har handla minst uaktsamt.
Annonse
Under rettsmøtet i Haugaland og Sunnhordland tingrett den 11. november fann retten at tiltalte vart dømt i samsvar med siktinga.
Domfelte fekk ein bot på 45 000 kroner, 18 dagar fengsel på vilkår med ei prøvetid på to år, samt inndrege førarkort i 12 månader med krav om full ny førarprøve for å få førarkortet tilbake.
