Mann dømt for å teke seg inn i hus og forgripe seg på sovande kvinne

8. juni starta saka der ein mann frå Kvinnherad stod tiltalt for å ha teke seg inn i ei hytte og forgripe seg på ei sovande kvinne i Haugaland og Sunnhordland tingrett.

Mannen filma også overgrepet og sendte det til ein kamerat.

I dommen konkluderer retten med at dei ikkje er i tvil om at dei straffbare handlingane skal ha skjedd, og peikar samstundes på fleire skjerpande omstende i saka.

– Retten vil for det første leggja vekt på det forhold at valdtekta blei filma av tiltalte. Dette vil utvilsamt vera ei stor tilleggsbelastning for den fornærma, noko ho sjølv også forklarte seg om i retten. Retten har i skjerpande retning også lagt vekt på at overgrepet skjedde medan fornærma sov, noko som utvilsamt er med på å skapa stor usikkerheit hos den fornærma, står det å lesa i dommen.

Retten dømte mannen til fengsel i to år og åtte månadar, samt til å betala ei erstatning på 157.000 kroner til kvinna.