Manglar 5600 arbeidstakarar
Bedriftsleiarar i Vestland melder om aukande rekrutteringsutfordringar og problem med å få tak i kvalifiserte arbeidstakarar.
Publisert
Sist oppdatert
Om lag 850 arbeidsgjevarar i Vestland svarte på NAV Vestland sin bedriftsundersøking som vart utført i februar og mars i år. Mange melder om utfordringar.
– Det er ein jamt stigande trend med utfordringar innan rekruttering. Her ligg Vestland høgare enn resten av landet, skriv fylkesdirektør i NAV Vestland Bjarte Hysing-Olsen i ei pressemelding.
Annonse
Helse. og sosialtenesta manglar flest tilsette, og framfor alt helsefagarbeidarar. Deretter følgjer bygg og anlegg, varehandel og eigedomsdrift. Totalt manglar verksemdene i Vestland om lag 5 600 arbeidstakarar, mot 5 200 i fjor.
Tal for april syner same trenden, og det var 2000 fleire utlyste stillingar enn arbeidssøkjarar denne månaden.
«Det er verksemdene i Sogn, Nordhordland, Voss/Hardanger og Midthordland som rapporterer dei største utfordringane innan rekruttering, medan Nordfjord og Sunnhordland ikkje har like store utfordringar med å skaffa kvalifisert arbeidskraft», heiter det i pressemeldinga.
